汪星人都入得嘅商場​

Share on facebook
Facebook
Share on linkedin
LinkedIn
Share on whatsapp
WhatsApp
Share on email
Email

炎炎夏日,放假想出街又想陪狗狗,可以考慮下同狗狗去商場行街,一邊涼冷氣、一邊放電! 小編為你揀左幾個又正又近既商場,即刻睇下邊個近你今個禮拜放假去喇~  

港島區: 

  1. 赤柱廣場  
    赤柱廣場允許狗狗落地行走,但商場方面有都有建議繫狗繩及為狗狗戴口罩。餐廳同埋廁所出面設有「Dog Parking」,方便主人有需要時暫存狗狗。商場都有部分寵物餐廳如 「Kome Kushi」,可以畀狗狗入室內一齊食嘢,仲有Dog Menu提供。 如果唔怕熱,仲可以坐出戶外位置歎brunch,諗起都寫意啊~

    商場間中仲會舉辦寵物嘉年華活動,可以同其他汪星人一齊玩!  

  2. 淺水灣The Pulse

    淺水灣既The Pulse都係其中一個出名寵物友善既商場,狗隻可以係商場範圍行走,可以進入大部分餐廳 (部分高級餐廳除外)。主人要去廁所或者超市時,都可以係門口既「泊狗位」暫泊愛犬。

九龍區:  

  1. 新蒲崗Mikiki 

    位於新蒲崗既Mikiki商場都好歡迎狗狗去,狗狗可以係商場落地行走,但要戴不長於 1.5 米的狗繩及口罩。商場都提供約20架寵物車、狗狗口罩及尿墊予狗主借用。

  2. 荔枝角D2 Place 

    D2 Place不時舉辦市集支持手作及文化創意等,狗狗可以到D2 Place與主人一齊行街,但需要坐寵物車、入袋或手抱。商場也設有「寵物專區」,提供寵物清潔用品及輔助工具給主人,行到悶悶地都可以去商品與寵物共享既天台花園。

新界區: 

  1. 新城市廣場 

    狗狗到沙田新城市廣場可以選擇坐寵物車或入袋,但主人要注意既係唔可以手抱。部分商店也歡迎寵物進入,而最吸引既係1樓戶外平合以家變成左一個Pets Park寵物同樂園,狗狗行商場行到悶都可以行出去玩。

  2. 南豐紗廠 

    大家應該不會對荃灣南豐紗廠感到陌生,南豐紗廠入面有不同的手工藝商店及工作室,也有多間食肆,適合文青去打卡。然而最吸引既係紗廠內設多間售賣寵物用品的商店,好多都係自家制及有機! 紗廠都十分歡迎狗狗與主人一齊行,狗狗可以落地周圍自由行,唔需要坐寵物車或入袋。 

睇到依度,快計劃今個weekend同狗狗出去既行程啦~